سلمنه ...أدب الطف

سلمنه....

 من تمر بأجساد أهلنه.... 

الليل حالك بالظلام... 

ونورهم يمطر محنه... 

سلمنه.... 

ولو دفنت حسين كَله.... 

صعبه من يعوف خله....

 إشكَد جهد عكَبك بذلنه... 

سلمنه.... 

سيدي زين العباد....

 من ابوك إحمل مراد.... 

كَلبك اعرف حمل ونه....

 سلمنه....

 وسد اﻷكبر يم أبوه... 

والطفل يقرب ﻷخوه... 

وإلنحر إرويله عنه...

 سلمنه...
ولو رحت للنهر غانم..... 

إكَصد لبدر إلهواشم ...

 زينب تكَول أعذرنه.... 

سلمنه....

 الظليمه أكبر ظليمه.... 

وإلهوى تلوث نسيمه... 

وإنكَطع منهم إلظنه.... 

سلمنه.... 

وإحفر إلحفره لمظاهر....

 خل يسجل كل مسافر....

 بحاجته من حسين دنه.... 

سلمنه......









26/أكتوبر/2017

سليم الكعبي

لاتزرع نجم.... 

وإلشمس ...دريانه......!! 

تشل إلليل منك... 

تكَطع أغصانه.....!! 

ولا تغفى بنغم مابي مواويل...

 ميذكرك بيوسف ويه خوانه....!!

 ولاتمشي بدرب ...

 مزروع بأشرار....

 غدر بيهم طبعهم....

 طايل...لسانه....!!
ياسلة إلبرحي شوكت تفضين... 

لملمتي إلطمع وإلعينه جوعانه...!! 

إلعايش بالثلج....

 مايشبه إلملذوع.....

 والسجنو ظلم... 

ماشبه سجانه....!!

 إلبي غيرة نخل....

 عاكَول أبد ميصير....

 يشل إيد إلوكت....

 لو لاوه ذرعانه....!!

سليم الكعبي 

30/أكتوبر/2017

لا مجيء ..!

بعد إللا(مجيئك)...!!
تجمد إشتياقي ....قسراً.....!!
فصرت واللاشاعرون..سواء..؟؟
كم جميل الوقت بــــ (أنت)..
حتى تعتاش النواظر..ذكراك..؟؟
والبؤس كل البؤس....
حين يمرق إلطيف...دونك...!!!

 

سليم الكعبي

30/أكتوبر/2017

ومضة قلم 11

 

 

 

 

 

 

والنقش على إلرمال....
مضيعة للوقت....










سليم الكعبي

23/أكتوبر/2017

يا ابو الفضل يا أمجد ...!

عدنه سند بالمستند....

 بالمعتبر بالمعتمد....!! 

عباس لقنهم درس...

 خله نفسهم ينحبس....

 كحل عيون المصطفى.... 

من صاح ياحيدر مدد....!!

 راواهم بيوم الحسم... 

من صارمه يكسرالخشم... 

مهزومه اشباه إلزلم.... 

رغم إلكثر رغم العدد....!! 

وحسين ينظر للكَمر.... 

جن ساعته لحيدر نظر....

 بحزام ظهره تجدد...!!

 ياوسفه من مكروا مكر.... 

عالجربه جان إشكَد حذر.... 

بعامود حلمه تبدد....!! 

كل حلمه يروي اﻷطفال... 

كَلبه إنفطر بس ماكَال...

 يرويك جدك أحمد.... 

ياابوالفضل ياأمجد.....!!















سليم الكعبي

2017

أذبل...!!

أذبل......!!! 

فأكون خريفك اللامنتشي..!! 

أمتاز بإصفرار لافاقع.....

 داكن لا أسرك و إلناظرين .!! 

تهددني بالربيع.....؟؟ 

وأبتليك بشتاء قارص...!! 

سبات لايوقظ الغافلين....!!









سليم الكعبي
23/أكتوبر/2017

 

أمنية ..

سلاماً ياوطن هورك وإلجبال.... 

سلام على الشواطئ وإلبساتين....

 يلصبرك تسولف بيه اﻷمثال... 

وأيوب إلنظم منك قوانين..... 

ومثل ماكَال شاعرنه وصدك من كَال...

 ومشت هالسالفه وبيهه إحنه ماشين....

 يابو إلخير إنته تفيض خيرات..... 

على إلجيران وعيالك مساكين... 

ويضل بسكوت إلنه إلفرح ينكَال.... 

وأيام الحزن ينعدن سنين..... 

بسك ياوطن دمعاتك إثكَال.....

 إنكتبت بيهن أصداء وعناوين....

 كَوم وفزع إلضحكات بالحال.... 

وفرح عيالك رجال ونساوين... 

شد راية فرح محتاجه اﻷجيال.... 

خل نحصد إلبسمه وتبشر إلعين....













سليم الكعبي 

2017

شدة ورد

جنح وملح

سراب

تمتمة الحديث

شوقاً إليك ...

أرد أضوي الليل كله..... 

بلون شمعه....

 وآنه أريد أنخاك..... 

بس بعيني دمعه....

 آنه محبوبة فؤادك....

 آنه روح بروح روحك...

 آنه يابويه .....رقيه 

هلبت لصوتي تسمعه... 

آنه ورده ومن تشمها... 

ينبض الريحان نبعه.... 

آنه أنتظرك تجيني....

 لحد لقائك جنت أسعى... 

وإنته جيت شلون جيه.... 

راسك إليبرالي طبعه.... 

مايصير شلون اعوفك..... 

عفت كل شي بدون رجعه.... 

بلهفه صرت التحق بيكم...

 إلكافل وجون وعليكم.
همي بس أوصل وأجيكم......

 وإلحلم واقع أجرعه....

 وأرد أضوي الليل شمعه.....













سليم الكعبي 

2016

مامتعلم

مامتعلم ....

 من روحك خذت ...

 إلتعلوم... 

كبلك ماصدفت...

 متبسم....

 حايط ضحكاتي...

 ومهدوم... 

عيشني العالم متشائم....

 نظرات الشر كلهه....
سموم......

 ومن طلعت شمسك بعيوني...

 من وجهك سطرت...

 البوم.... 

ياورده ولازم تتبسم....

 من تشمهه ولو.....

 مزكوم.......

 

 

 

 

 

 

سليم الكعبي 

 

أرح الخطى ...ولدي علي ...!!

أرح إلخطى....
ولدي ....علي....!!!!
فالسعي ليس لكائن....
السعي لله ...إلعلي....!!!!
كن كوكباً....
إن ذاب فجرك....لايلي....!!!!
كن زهرة....
من شم عطرك....يمتلي....!!!!
مكر إلعدى....لايعتدى....
إن كان ودك ....أولي ....!!!!
أطل التفكر....كلما....
للفتنة إنصاع لها.....
يغلي له عرق ...غلي.....!!!!
كن صامتاً حين إلشدد...
يغدو حطاماً رأيه....
من فات بالحمق....ملي....!!!!
أرح إلخطى...ولدي علي...!!!
شتان مابين اللذي...
لا يستفز....
بين اللذي في القلب...
سراً ...أزلي....!!!!
بين إلثرية والثرى....
بين السما....
تعلو فيصغر عاذلي.....!!!!
أنت إلسمي بحيدر...
كم فخر ذا....
إسم ....إلولي....!!!!
ولدي...علي....!!!











سليم الكعبي 

18/اغسطس/2017

دارميات

فؤاد إلنبض متعلعل.............شعب بي
بير ويبس شيترسه..............شعب بي
إلعقل دوله بتمردها..............شعب بي
هتف بإسمك (دواء ) وهاي هيه............!!!!!!








سليم الكعبي

23/أغسطس/2017

ومضة قلم ...10

محسودين......عالفطره......!!!!
على إلمامش.....يحسدونه....!!!







سليم الكعبي
30/أغسطس/2017

ومضة قلم 9...

بالمقلوب.......؟؟؟؟؟
لاتطيل إلشموع ....ألسهر.....!!!!
فالحرقة إنعكاسآ.....؟؟؟؟
تطيح بالموقف وتبتلي إلكيان.....!!!!!







سليم الكعبي
19/سبتمبر/2017

هالك ليلي ...وانته ..سكته ...!!

سكته ....سكته....؛؛؛؛؛
إحتركت بروحي ....
كواغد....شوك....!!!!
وضل عطاب ذكرى....
لواهسك مخنوك......!!!!
وإحتاريت...أكتبك....
لوأضمك سالفه...
بنص ياخرج مفتوك....!!!!
عاينتك وصف....
ماينشره من إلسوك....!!!!
ياعنبرأصل...
وبنص ضرف مغلوك.....!!!!!
قفلت بيك روحي....
بكل ذنب ....معشوك....!!!!
هاك ليلي....
وإنته ...سكته....؛؛؛؛؛؛؛؛؛؛
سكته ....سكته......؛؛؛؛؛؛؛؛؛

















سليم الكعبي

11/أغسطس/2017

ومضة قلم 8...في حضرة شهريار

شأسولفلك......؟؟؟؟؟
ماتكفي الألف ليله.....!!!!!!









سليم الكعبي

30/أغسطس/2017

إنها الحاسمة ....!!!!

إنها إلحاسمة .....!!!!
على توقيت إملائك......!!!!
تملي ماتملي....
ونفقه مانقرأ........!!!!
وتبقى إلعبر....
في ذمة الخواتيم......!!!!!
فكم من مغرور.......
ذاق مر غروره ...إذعانآ......؟؟؟؟؟
فإستبق إلتواضع.........تنجو.....!!!!










سليم الكعبي
3/سبتمبر/2017

ومضة قلم ...7

وكل وصف....!!!
لايذكرني بملامحك.....!!!!!
نسج من عبث....!!!!









سليم الكعبي

4/سبتمبر/2017

قصيدة بلا عنوان ....!!!!

في ملفاتي......؟؟؟؟
قصيدة بلاعنوان.....!!!
بلا أمل يذكر....
بلا ألوان....!!!
تحت طيات حروفها....سر...؟؟؟
ألم بقلم....حر.....؟؟؟؟
يبكي سطورآ ويطوي....!!!
ويضل مسيره....بلاعنوان....!!!











سليم الكعبي
5/سبتمبر/2017

ومضة قلم ...6

وإليك وكلت أمري.....!!!!!
إلروح تذبل وذكرك يارب سقياها......!!!!!







سليم الكعبي

18/أكتوبر/2017

ومضة قلم ...5

شيء جميل أن تموت من أجل الوطن ....
ولكن الأجمل أن تعيش لأجل الوطن..........









سليم الكعبي

5/يوليو/2017

مشتهي ...ملاكَه....

شكبر لوحه.....
إلبيهه إسمك...!!!!
إمتدت من إلماكو......
ﻵخر مستحيل.....؟؟؟؟
وإشتهيتك....!!!
صفنه ...راحتهه إلتعب.....
لاتكَصر....لاتطيل.....؟؟؟؟
سكته سكته ....
وماجنيتك.......!!!
مشتهي ...ملاكَه....
دخيل......؟؟؟؟

سليم الكعبي
28/يوليو/2017

أنت ولي ...شؤوني ...!!!!

لا لم أذق...خيرآ....
كخيرك ...حينما......!!!!
غذيت في إلروح.....
حين ....ضنوني......!!!
وهن أصاب اللب....
وزاغ... بضنه.....
كالمارد السفاح ....
حين.....جنوني.....!!!!
ربي ...أسيرك للرضا......
كل إلرضا.....
حمدآ لفيضك ...مودعآ....
كل ...إلرجا.....
رفقآ بعبد عابث.. محزون....!!!!
أنت الحليم بخلقه.....
أنت ...المنى.....
منآ غزيرآ فاخرآ....
ليس ...له......!!!!
حد.....
ليعلو شأنها....روحي.....
وأنت ولي.....شؤوني......!!!!!












سليم الكعبي
7/أغسطس/2017

ماوراء... المدري شنهي ...!!

ماوراء...
إلمدري شنهي...!!!
كان ياماكان...
قصه...!!!
تبدي بدموعي....؟؟؟؟
وتخلص ...بالنحيب.....!!!!
إلماي....كوكب....!!!
جزء من عنده ...تراب.....!!!
إلبؤبؤ ...بعينك...مجره....؟؟؟
الشمس عندك...
لا فلا شيء ....عجيب....!!!!!







سليم الكعبي
16/أغسطس/2017

ومضة قلم ...4

هيج روحي ...!!!
وكون إشدنهه بحضرتك....؟؟؟؟
ياإمامي وياهويتي...!!!!







سليم الكعبي
20/أغسطس/2017

سلة رطب ..

ولاتعتك....!!!
ولا زنجر بريتك ليل....
من تشهكَـــ.....!!!!
ولامرإلخريف.....
بوجهك إلمزفوف....
ربيع بزهرته يرتك.....!!!!
ياسلة رطب ......
متروسه كومه الوان...
من البرحي للخستاوي....
لﻷزرك.....!!!!!
ماتعتكَـــ.....!!!!
لوطكَــ إلعطش نهرين......
إنته إلتروي بيهم....
بالكرم تسبكَـــ......!!!!!
ياكلمة هلا .....
وكل إلهلا..وحياك...
يا جادود ......
جف إلكلفه من طكك......!!!!!








سليم الكعبي
24/أغسطس/2017

 

ومضة قلم ..! 3

قاحل وقتي دونك....!!!
كأنه خريف دائم....؟؟؟
فمن يفتقد إلربيع.....!!!!
تضمحل روحه ألمآ....؟؟











سليم الكعبي

8/سبتمبر/2017

تأتي إلهموم.....!!!
على هيئة نية بيضاء.....!!!!
في زمن لايشبه ...الأزمنه....!!!
التوقيت/لسان خجول....!!!
المكان/قلب من ورق.....!!!
المحتوى....جمود قاحل لم يعتد....!!!!
الإهداء....إليك ....!!!
والله من وراء القصد.....!!!!!









سليم الكعبي

16/سبتمبر/2017 

بح ...الصوت ....!

بح ...إلصوت....؟؟؟؟
يانزعة رهاوة موت....!!!!!!
بح إلصوت.....؟؟؟؟؟
ضل بس إلنظر يربي.....
عالجناز ....عالتابوت.....!!!!!!
عالعدلين عالميتين.....؟؟؟
عالنبله الرشيقه....
إلجندلتلك .... حوت.....!!!!!
عالغبشه بقفص....
خنكت عصافير.....؟؟؟؟
لو سمعت البلبل ....
للنغم ....زاتوت....!!!!!!!
للطيبين إذا نكضوا.....
يعتهم وكت مزعج صوت.....!!!!!
للنحات إذا مشلول.....
وبراسه ألم منحوت......!!!!!
بح ...إلصوت.....؟؟؟؟؟







سليم الكعبي

16/سبتمبر/2017

حتى لو يطلع صبح ...!!!!

وإفترض يطلع صبح....؟؟؟؟؟
ترجع تسولفله ليل......
إلغزر بنجمه إلملح........!!!!!
لو تسلم أمرك إنته.....
وترضى بمخدة رمح......!!!!!!
تقنع بدورة حياتك.....
إلبيهه مهموم إلسمح.....!!!!!
ترضى ماترضى يعادل.....
إلباطل إليبني صرح.....!!!!!!
إلوادم إلتاخذ تحيه.......
وتعتبر أكبر ربح.....!!!!!
إلباطل وجهل إلسواد.....
بمؤتمر صاروا صلح......!!!!!!
وإتفاق أطول أمد....
حتى لويطلع صبح......؟؟؟؟؟









سليم الكعبي

17/سبتمبر/2017

لوحة أمل ..!

صوب سرابك اللا متلاشي....!!!!
مددت أقصى شباك نظري.....؟؟؟
إصطدت عمقاً......!!!
وشيئاُ من اللا يأس...!!!!
فتبادرإلى ذهني...... ذلك اﻷمل....!!!!!
وراح تفاؤولي يتوق لغدٍ افضل....!!!!!













سليم الكعبي

23/سبتمبر/2017

ومضة قلم ..! 2

سأسرد لك مايعني إلحرمان....!!!
بمجرد أن تصغي إلى فقري........؟؟





سليم الكعبي

24/سبتمبر/2017

بين زحمة الطرقات ..

وتضيع تلك الملامح...!!!!
بين زحمة الطرقات....؟؟؟؟
ويسعفها........!!!!
ماتبوح به.... أوجه شتى.....!!!!
توزعت بين أروقة الحب.....؟؟؟؟
بتعدد أدوار.....!!!
وهدف واحد....!!!!!!











سليم الكعبي

25/سبتمبر/2017

الشاهد والشهيد

كنت حبراً وقت عشقي للقلم...!!!
وسعادة حين فارقت الألم...!!!
طبت ماءً حين شارفت الذبول..؟؟؟
ياهلالاً عاش نداً للأفول...؟؟؟
دمت بدراً في عدم....!!!
عشت عمري في سراجك مُنتشي..؟؟
وقت ليلي وصباحي والعشي..؟؟؟
ملهمي وقت إلهمم....!!!!
لم يمر في خاطري نور كأنت...؟؟؟
في كريات الدم عشق إختزنت...؟؟؟
يافؤادي ياشمم...!!!!
ماتت الدنيا فأحياها هواك...؟؟؟
ياتراث ألطهرأنت..من سواك...؟؟؟
وأبن طه خلقه يعلو القمم..!!!
يابن حيدر في إلوغى سبع همام..؟؟؟
لايبالي سيفهم لا والسهام...؟؟؟
ساد عرباً والعجم....!!!
أمك الزهراء شمس للعباد...؟؟؟
وقت أن تدعو دعاها لايضاد...؟؟؟
ربي جاري ثم أهلي والأمم...!!!
أنت من تلك القمم كنت إقتباس...؟؟
وأخيك المجتبى خط الأساس..؟؟؟
وقت أن بيعت ..ذمم..!!!
ليس مثلك من يبايع مثلهم...؟؟؟
لاتبالي إن يعادوا كلهم....؟؟؟
لا وإن ضحيت دم....!!!
كنت للإصلاح منهج وتطوف...؟؟؟
تدعو للحق وإن سلت سيوف...؟؟؟
أنت أستاذ القيم......!!!!!








سليم الكعبي
27/سبتمبر/2017

وين ماعد الله كاع....؟؟؟

وين ماعد الله كَاع....؟؟؟
نزرع الحب الحقيقي....
لادغش منسوب إلنه...
لا تحايل لاخداع.....؟؟؟
مانطاوع كل مسيئ....
إلراد يتحرف دربنه...
من السباع على إلضباع...؟؟؟
إحنه وزن وقافيه بنص القصيده..!!!
إحنه واهس كبل من نقره جريده..!!!
إحنه تحفه وغاليه وكلش فريده...!!!
ورده كلش زاهيه وتحمل شعاع...؟؟؟
وين ماعد الله كَاع....؟؟؟











سليم الكعبي

3/أكتوبر/2017

ومضة قلم ..! 1

تكون طيبآ.....!!!!
فتعيش حليفآ للأزمات....؟؟؟؟





سليم الكعبي

8/أكتوبر/2017

في حضرة شهرزاد

ربما السرد سيطول ياشهرزاد.....!!!!
فالزمن العجيب لازال يرينا الأعجب....!!!!









سليم الكعبي
بغداد
8/أكتوبر/2017

غموض ..!!

حين يصبح الوقت....!!!
مضيعة للوقت.....؟؟؟
ينحدرالخيال.....!!!
ويتدفق الغموض....!!!







سليم الكعبي

9/أكتوبر/2017

 

نناشد المطر

بريشة سليم الكعبي 

بغداد 

17/أكتوبر/2017

قصيدة " يوم ...توقيع الكتاب ...!! ماتم نشره في مجلة "وعيناك داري"

شكري وتقديري لمجلة (وعيناك داري)عن منتدى بحارالشعر ورابطة القلم لنشرها قصيدة (يوم توقيع الكتاب) في عددها الـــ 33...تحياتي لجميع أعضاء الرابطة وللأستاذة 
Wafaa Fawaz

الغد المشرق ..!

بعين يافعه.....!!!!
نطمح لغد مشرق....!!!!!
فلازال في القلب حسن النوايا....!!!!
حين يظن الطفل إن أباه يرزق....!!!!





سليم الكعبي

21/أكتوبر/2017

واهس حبر

رمحين جانن بالوصف.... 

طولك وطول الشمس....!!!

 ياأحلى من كل الجمل... 

كلمه وترددها النفس...!!! 

ضحكة وجه كل ماشفت...

 بيك الفرح باجر وأمس....!!! 

لوما حقوقك عالقرب...

 جا صحنه ممنوع اللمس....!!! 

يارازقي بشحة ورد.... 

جكليت وإنطش بعرس....!!!
واهس حبر يكتب شعر...

 بوذيه مغزاها الدرس.....!!!

 

 

 

 

سليم الكعبي 

بغداد 

 2017

ياكلمة من واحة شعر ..

عالماجرى والجرى ...

عالماجرى وإلجرى...
هيجي العمر جرجره...!!!!
كل ظني اتقدم جنت...
وإلخطوه طلعت ليوره....!!!!
عايش على آمال وحلم...
والحلم ساحر منظره...!!!!!
جان إلحلم عايش ملك...
والناس عاشت بالثره....!!!!!
خادمني مسؤول البلد...
تعبان يوكف بالسره...!!!!
ماطول بعيني إلحلم...
فتحت عيني الحايره...!!!!
شفت إلصدك لاموملك...
عايش بضيم ومرمره...!!!!!
وإلناس كاتلهه إلقهر....
من المهد......للمكبره....!!!!!!






سليم الكعبي
20 سبتمبر 2017

بالمقلوب ......؟؟؟؟؟

بالمقلوب.......؟؟؟؟؟
لاتطيل إلشموع ....ألسهر.....!!!!
فالحرقة إنعكاسآ.....؟؟؟؟
تطيح بالموقف وتبتلي إلكيان.....!!!!!











سليم الكعبي

19/سبتمبر/2017

وإفترض يطلع صبح....؟؟؟؟؟
ترجع تسولفله ليل......
إلغزر بنجمه إلملح........!!!!!
لو تسلم أمرك إنته.....
وترضى بمخدة رمح......!!!!!!
تقنع بدورة حياتك.....
إلبيهه مهموم إلسمح.....!!!!!
ترضى ماترضى يعادل.....
إلباطل إليبني صرح.....!!!!!!
إلوادم إلتاخذ تحيه.......
وتعتبر أكبر ربح.....!!!!!
إلباطل وجهل إلسواد.....
بمؤتمر صاروا صلح......!!!!!!
وإتفاق أطول أمد....
حتى لويطلع صبح......؟؟؟؟؟











سليم الكعبي

17/سبتمبر/2017